Friends of the Flying Foxes ging kasubo ro pag-develop it forest area sa Boracay

7

Masubo eoman makaron do Friends of the Flying Foxes (FFF) bangod sa panibag-ong development nga gina himo it sangka mabahoe nga developer sa Brgy. Yapak isla it Boracay.

Si Noa Macavinta nga Board Member it FFF hay nagpaabot it anang kasubo dahil sa ging pang-tapan o ging-bulldoze do kabukiran sa area it Yapak nga kung sa siin nadaeahig do mga puno nga gina istaran it fruit bats ukon kabog.
Suno kara nga illegal ro gina himo nga pagsamad sa nabilin nga forest area sa lugar bangod sa uwa suno raya it mga nagakaigo nga permit maghalin sa DENR, Baranggay ag sa LGU Malay.

Kaangot kara maga himo sanda it tikang para nga mapundo ro nasambit nga pag-develop ag para nga maprotektahan do gina istaran nga mga puno it naga sinangkiri nga mga kabog sa isla.

Matandaan nga ko nagtaliwan nga dag-on hay naghimo do mga environmental concerns groups ag FFF it candle lighting sa beach front ko Boracay bilang pagpakita sa andang pagtutol sa mga naga samad ko mga nabilin nga forest land sa Boracay.

Jay-ar M. Arante, RMN-DYKR Kalibo

Facebook Comments