Habang patungo ang ASEAN sa mas magkakaugnay na digital na ekonomiya, ang mga negosyong Pilipino ay magkakaroon ng mas maraming pagkakataon na maabot ang mga customer, partner at merkado sa buong rehiyon.
Nakikita ng Globe ang pagkakataon na matulungan ang mga lokal na negosyo na mapalawak ang kanilang operasyon sa labas ng domestic market, habang sinusuportahan din ang mga regional at global company na nais magtayo at palawakin ang kanilang presensiya sa Pilipinas.
Inaasahang susuporta ang ASEAN Digital Economy Framework Agreement sa mas malawak na cross-border digital activity sa pamamagitan ng mga larangan tulad ng digital trade, cross-border data flows, electronic payments, personal data protection, cybersecurity at mga umuusbong na teknolohiya kung saan natapos ang negosasyon sa region-wide agreement noong May 2026.
Para sa Globe, nagbubukas ito ng pagkakataon sa magkabilang panig. Kakailanganin ng mga negosyong Pilipino ng maaasahang koneksiyon, digital infrastructure at mga technology partner habang lumalawak ang kanilang operasyon sa buong rehiyon. Samantala, kakailanganin din ng mga kompanya na papasok sa Pilipinas ang naturang mga kakayahan upang maitayo at mapalawak ang kanilang operasyon dito.
Samantala, pinalalakas din ng Globe ang mga kakayahan nito sa connectivity, cloud, cybersecurity, data at artificial intelligence upang matugunan ang lumalaking at mas kumplikadong pangangailangan ng mga negosyo.
Nakikipagtulungan din ang kompanya sa mga regional operator, global technology companies at startups para mabigyan ang mga negosyong Pilipino ng access sa teknolohiya, kaalaman at kasanayan mula sa labas ng bansa.
