Higit 3,000 na health workers sa NCR, nasa isolation

47

Umabot na sa 3,114 na healthcare workers ang nasa isolation ngayon dahil sa COVID-19.

Ayon kay Department of Health Undersecretary Leopoldo Vega, ang bilang na ito ay katumbas ng 11% na kabuuan bilang ng mga health worker na nasa government institutions sa National Capital Region (NCR) ang naka-isolate.

Dagdag pa ni Vega na bagama’t maraming health workers ang naka-quarantine ay kinakaya pa rin ng mga ospital ang sitwasyon.


Samantala, muli namang napupuno ng mga pasyenteng may COVID-19 ang ilang ospital sa Metro Manila kasunod ng pagtaas ng bilang ng mga health workers na naka-quarantine at pagtaas ng kaso ng COVID-19 sa bansa.

Kabilang sa mga ospital na ito ay ang Philippine General Hospital (PGH), Modular Hemodialysis ng National Kidney and Transplant Institute, East Avenue Medical Center at Amang Rodriguez Memorial Medical Center.

Facebook Comments