Plano ng House prosecution panel na hilingin sa Senate Impeachment Court na ipatawag si Vice President Sara Duterte bilang hostile witness sa impeachment trial.
Sinabi ito ni private prosecutor Atty. Lorna Kapunan sa ikalawang araw ng paglilitis kay VP Sara kahapon.
Ayon kay Kapunan, mahalaga ang magiging testimonya ni VP Sara sa ika-apat na Article of Impeachment na kinapapalooban ng alegasyong grave threats at inciting to sedition.
Naniniwala si Kapunan na wala namang hadlang o rason para hindi makasalang bilang testigo sa kanyiang impeachment trial si VP Sara matapos nitong magawang magtungo kahapon sa Senado para maka-usap ang kaniyang defense team.
Bilang tugon ay sinabi ni impeachment court presiding officer Senator Francis “Chiz” Escudero na tutugunan nila ang motion ni Kapunan kapag pormal na itong naihain kung saan bibigyan din ng pagkakataon ang depensa na magkomento.
