CAUAYAN CITY – NAGING LIGTAS AT MAPAYAPA ANG PAGGUNITA NG UNDAS 2025 SA BUONG LALAWIGAN NG ISABELA SA ILALIM NG MASUSING PAGBABANTAY NG ISABELA POLICE PROVINCIAL OFFICE (IPPO) NA PINAMUMUNUAN NI PROVINCIAL DIRECTOR POLICE COLONEL ALLEN B. BAUDING.
MAHIGIT ISANG LIBONG TAUHAN MULA SA PNP, KATUWANG ANG IBA’T IBANG AHENSYA AT MGA VOLUNTEER, ANG IPINAKALAT SA MGA SEMENTERYO, SIMBAHAN, TERMINAL, AT IBA PANG MATATAONG LUGAR UPANG TIYAKIN ANG KALIGTASAN NG PUBLIKO AT MAIWASAN ANG ANUMANG INSIDENTE.
KASAMA SA MGA NAGBIGAY-SEGURIDAD ANG MGA TAUHAN MULA SA PROVINCIAL MOBILE FORCE COMPANIES, CITY AT MUNICIPAL POLICE STATIONS, BARANGAY PEACEKEEPING ACTION TEAMS (BPATS), MGA TANOD, RADIO GROUPS, CIVIC ORGANIZATIONS, AT VOLUNTEER RESCUERS.
SA KABILA NG MALAKING BILANG NG MGA DUMALAW, WALANG NAITALANG SERYOSONG INSIDENTE SA BUONG PROBINSYA.
AYON KAY POLICE COLONEL ALLEN BAUDING, ANG TAGUMPAY NG MAPAYAPANG UNDAS AY BUNGA NG PAGKAKAISA AT KOORDINASYON NG PULISYA, LOKAL NA PAMAHALAAN, AT MGA MAMAMAYAN.
NAGPASALAMAT DIN SIYA SA MGA KATUWANG NA AHENSYA GAYA NG BUREAU OF FIRE PROTECTION (BFP), PHILIPPINE COAST GUARD (PCG), ARMED FORCES OF THE PHILIPPINES (AFP), PROVINCIAL SECURITY OFFICE (PSO), AT MGA LOCAL DISASTER OFFICES SA KANILANG SUPORTA.
TINIYAK NG IPPO NA MANANATILI SILANG NAKAHANDA SA PAGPAPANATILI NG KAPAYAPAAN AT KALIGTASAN NG BAWAT ISABELEÑO, HINDI LAMANG TUWING UNDAS KUNDI SA BUONG TAON.
