Nanindigan ang kampo ni Vice President Sara Duterte na “weakest link” sa impeachment case si Ramil Madriaga.
Ayon kay Atty. Salvador Paolo Panelo Jr., malinaw kasi na irrelevant at immaterial matters ang mga ebidensyang iprinisinta ni Madriaga.
Tinukoy ni Panelo ang kabiguan aniya ni Madriaga na mapatunayan ang mga alegasyon nito sa cash deliveries at ang instructions sa pamamagitan ng phone calls sa prepaid phones.
Iginiit din ni Atty. Panelo na ang Supplemental Affidavit ni Madriaga ay lalong nagpalakas na hindi kapani-paniwala ang mga akusasyon nito.
Partikular dito ang pagtitiwala raw nina dating Pangulong Rodrigo Duterte at Vice President Sara Duterte sa sensitive security at intelligence matters sa isang indibidwal mula sa labas ng military-police chain of command, at pinaniniwalaang lider ng “Madriaga Kidnapping for Ransom Group,” at tinuring ng Philippine National Police (PNP) bilang most dangerous criminal syndicates sa kasaysayan.
