Sumala ni Davao City Police Office (DCPO) spokesperson PCapt. Hazel Caballero nga nahimong challenge alang kanila uban sa Search and Retrieval Team ang pagkuha sa nahibiling missing gumikan sa humok nga pundok sa basura, busa aduna usab, matud pa, hugot nga koordinasyon sa City Engineering Office (CEO).
Tambag sa otoridad sa katawhan nga dalahon ang binuhing mga hayop aron dili kini magbalik-balik sa lugar.
Dugang ni Caballero nga nasayran nilang anaa sa lugar ang panginabuhian sa mga residente sama sa pagpangalkal, apan alang sa kaluwasan sa tanan, mas maayo, matud pa, nga mulikay ug unahon ang kaluwasan.
Gani, samtang ginapatuman sa lokal nga panggamhanan ang slope stabilization ug uban pang corrective measures, gipanawagan usab karon ang katawhan nga i-practice sa panimalay ang recycling ug segregation ug gina-awhag nga tumanon ang mga protocols.
RadyoMaN Kareen Beltran
