Libreng antigen testing ng MRT-3, nagsimula na ngayong araw

34

Sinimulan na ng pamunuan ng Metro Rail Transit (MRT-3) ang pagbibigay ng libreng random antigen test sa mga pasahero nito.

Ayon kay MRT-3 Director for Operations Mike Capati, isasagawa ang libreng antigen test sa apat na istasyon ng MRT mula alas-7:00 hanggang alas-9:00 ng umaga at alas-5:00 ng hapon hanggang alas-7:00 ng gabi.

Ang mga boluntaryong sasailalim sa testing, libreng makakasakay sa tren basta sila ay negatibo.


Sakaling magpositibo, papayuhan ang pasahero na mag-self isolate o makipag-ugnayan sa kanilang local government unit para sa confirmatory RT-PCR test.

Samantala, tatagal hanggang January 31 ang libreng antigen testing ng MRT-3.

Facebook Comments