Iginiit ni Department of the Interior and Local Government (DILG) Secretary Jonvic Remulla na hindi dapat basta-basta paniniwalaan ang mga pahayag ng dating pulis na si Rodulfo Gracioso Jr.
Si Gracioso ang nagbunyag na naghatid umano ito ng male-maletang pera kay Vice President Sara Duterte, former President Rodrigo Duterte, at Davao City 1st District Representative Paolo Duterte.
Ayon kay Remulla, titingnan at sasailalim sa masusing imbestigasyon ang mga rebelasyon na ito ni Gracioso para malaman kung totoo ang kanyang mga sinabi.
Aniya, marami kasing may gusto na magliyab ng sitwasyon ngunit buong seryoso nilang titingnan pa rin ito para malaman ang katotohanan.
Una nang kinumpirma ni PNP Chief General Jose Melencio Nartatez Jr., na naging security detail ni former House Speaker Lord Allan Velasco si Gracioso.
