Kinatigan ng Budget Amendments Review Subcommittee (BARSc) ang isinusulong ni Parañaque 2nd District Representative Brian Yamsuan na madagdagan ng ₱673 million ang pondo ng Presidential Communications Office (PCO) at mga attached agencies nito sa ilalim ng 2027 national budget.
Sa ilalim ng 2027 National Expenditure Program ay ₱2.482 billion lamang ang nakalaan para sa PCO.
Kapag inaprubahan sa plenaryo ng Kamara ang dagdag na alokasyon para sa PCO ay tataas ang pondo nito sa ₱2.62 billion para sa susunod na taon na kumakatawan lang sa 0.03% ng kabuuang ₱7.2 trillion na panukalang pambansang pondo sa susunod na taon.
Diin ni Yamsuan, mahalagang maitaas ang alokasyon para sa PCO upang mapahusay ang kapabilidad ng gobyerno sa pakikipag-ugnayan sa mamamayan sa pamamagitan ng paghahatid ng tamang impormasyon habang isinusulong ang pananagutan.
