Sa ilalim ng pamumuno ni Police Colonel Dennis L. De Leon, Officer-in-Charge at Provincial Director ng Pangasinan PPO, nagsagawa ang mga yunit ng pulisya ng 31 anti-illegal drug operations kung saan 36 katao ang naaresto.
Nakumpiska rin ang humigit-kumulang 80.75 gramo ng shabu na may tinatayang Standard Drug Price (SDP) na ₱685,276.00.
Bukod dito, naging matagumpay rin ang kampanya laban sa mga wanted na personalidad matapos maaresto ang 58 pugante, kabilang ang limang Most Wanted Persons at 53 Other Wanted Persons.
Sa kampanya kontra iligal na sugal, nagsagawa ang Pangasinan PPO ng siyam na operasyon na nagresulta sa pagkakaaresto ng 30 indibidwal at pagkakasamsam ng ₱17,604.00 na hinihinalang pustahan.
Samantala, sa kampanya laban sa mga ilegal na baril, naitala ang 52 isinukong hindi lisensiyadong baril, 21 idinepositong baril, anim na nakumpiskang baril, at isang abandonado o narekober na baril.
Nagsagawa rin ng pitong operasyon kung saan anim na lumabag sa batas ang naaresto.
Nagbigay rin ng seguridad ang Pangasinan PPO sa anim na pambansa at paulit-ulit na pampublikong aktibidad, kung saan 167 na pulis ang ipinakalat upang tiyakin ang kaligtasan ng mga kalahok at mapanatili ang kaayusan. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
