Dinagsa ngayong araw ng mga aplikante ang Mega Job Fair ng PESO Muntinlupa at Muntinlupa Rotary Club District 3830 katuwang ang DZXL Radyo Trabaho
Ayon kay Glenda Zamora-Aninon, head ng PESO Muntinlupa ay nasa 98 ang kompanyang kalahok sa nasabing job fair at may alok itong 1,500 bakanteng trabaho.
Sa ngayon, nasa 28 na ang na-hire on the spot mula sa 540 registered applicants.
At sa mga nais humabol, magdala lamang ng inyong updated resume at huwag kalimutang mag-register bago pumasok sa event area.
Sa mga first time job seeker, mayroong one-stop-shop para sa pre-employment requirements tulad ng Social Security System, PhilHealth, PAG-IBIG, National Bureau of Investigation (NBI) at Bureau of Internal Revenue (BIR).
Nagpasalamat naman ang PESO Muntinlupa City sa DZXL Radyo Trabaho sa pagtuloy na suporta sa kanilang tanggapan.
