Mga ahensya ng gobyerno, oobligahing maglaan ng bahagi mula sa matitipid na pondo

44

Oobligahin ang mga ahensya at mga tanggapan ng gobyerno na maglaan ng bahagi mula sa matitipid na pondo.

Sa House Bill 10832 o “Mandatory Savings Bill”, layunin nito na obligahin ang lahat ng mga departmento, ahensya o opisina ng gobyerno, maging ang Government Owned and Controlled Corporations o GOCCs, Government Financial Institutions o GIFs at State Universities and Colleges o SUCs na maglaan ng hindi bababa sa limang porsyento ng kanilang “budgetary savings”.

Ito ay para makalikom ng pondong pang-ayuda na gagamitin na pantugon sa mga sektor na apektado ng COVID-19 pandemic.


Malaking tulong ito lalo’t ang pandemya ay sinabayan pa ng pag-mahal ng presyo ng langis at mga bilihin.

Sa katunayan, kung sakaling maging ganap na batas ang panukala ay tinatayang nasa P250 billion ang malilikom mula sa 5% savings ng mga ahensya ng gobyerno.

Bukod naman sa ayuda, isinusulong din na magamit ang pondo para sa COVID-19 testing, programa para sa pagbabakuna at iba pa.



Facebook Comments