Davao City – Nanawagan karon ang ACT Davao sa kasamtangang administrasyon nga kumustahon sab ang kahimtang sa mga magtutudlo nunot sa kalisod nga gikaatubang niini sa trabaho.
Sa interview sa DXDC RMN Davao kang Reynaldo Pardillo, ACT Davao president, gipunto niya nga kinahanglang hatagan og pagtagad sa gobyerno ang sektor sa edukasyon.
Kini luyo sa ₱1.35 trilyon nga makasaysayang budget sa sektor nga matud niya, wala nabati sa mga sama niyang magtutudlo.
Gani, nanghinaot sab siya nga mapaminawan na sa gobyerno ang dugay na nilang mulo nga wage increase labina nga wala na nahaom ang ilang ginabuhat nga trabaho sa ilang ginadawat nga sweldo.
Gatuo sab si Pardillo nga maghatag kini’g dugang motibasyon sa mga magtutudlo aron mapadayon nila ang pagpanerbisyo.
RadyoMaN Leo Battulayan
Facebook Comments
