Mga mulopyo sa Sitio Lagdic, Linabo, Quezon, gipailawom sa Stress Debriefing human ang engkwentro sa sundalo ug rebeldeng NPA adtong Domingo

Kasamtangang gapahigayon matud pa og Stress Debriefing ang mga kasundaluan sa 48th Infantry Battalion sa Philippine Army sa mga mulopyo sa Sitio Lagdic, Barangay Linabo, Quezon, Bukidnon human ang nahitabong engkwentro tali sa tropa sa kasundaluan ug sa rebeldeng grupo sa New People’s Army (NPA) adtong Domingo.

Sa interview sa RMN Malaybalay ug iFM Bukidnon ngadto kang Major Noel Jumalon, Executive Officer sa 48th IB, gibutyag niya nga daghan matud pa sa mga residente ang apektado sa maong engkwentro rason nga gapahigayon og stress debriefing ang kasundaluan.

Gawas niana, gahimo usab sila og information drive kabahin sa Anti-Terrorism Bill aron nga masayud ang katawhan sa mga dili maayong tinguha sa rebeldeng NPA batok sa gobyerno.

Mahinomdoman, nga gibana-banang kapin kon kulang 20 ka mga NPA ang nakaengkwentro sa militar adtong Domingo didto sa Sitio Lagdic, Barangay Linabo, Quezon diin usa ang patay sa bahin sa kasundaluan.

Gipasalamatan usab ni Major Jumalon ang katawhan sa lugar ilabi na sa paghatag og impormasyon kabahin sa presensya sa armadong grupo sa lugar hinungdan nga nahitabo ang usa ka engkwentro.