Sa Barangay Mancup, ilan sa mga kuliglig ang patuloy na bumibiyahe kahit malakas ang agos ng baha.
Batay sa monitoring ng mga awtoridad, isa ang naturang kalsada sa mga labis na binabaha tuwing umaapaw ang tubig sa ilog at patuloy ang buhos ng ulan.
Ayon sa ilang drayber, alternatibo umanong sasakyan ang kuliglig ng mga residente dahil iilan lamang ang mga nakakaraan sa kalsada.
Naniningil ng P30 kada pasahero ang mga nagkukuliglig at kayang magsakay ng 10 hanggang 11 pasahero bawat biyahe.
Anila, umaabot sa P300 hanggang P500 kada araw ang gastos ng mga nagkukuliglig sa gasolina.
Mula sa mga lugar sa Buenlag at Mancup, hinahatid ang mga pasahero patungo sa bayan, mga sakayan ng jeep, at town center pabalik ng nansangaan.
Samantala, bukod sa bayan ng Calasiao, may mga namamasadang kuliglig na rin sa ilang nabahang parte ng Dagupan City dahil sa lalim ng tubig-baha, partikular sa Barangay Mayombo. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
