Mga tricycle sa isla it Boracay hasta eon lang sa Setyembre

62

Boracay, Island — Hasta eon lang sa maabot nga buean it Setyembre rong pag operate it mga tricycle sa isla it Boracay.
Base sa ginpaguwa nga Executive Order No. 007 ni Malay Mayor Ceciron Cawaling, gusto kara nga ipatupad rong istriktong pag-implementar it sueondanan sa E-trike Program it Malay maskapin eon gid ro pagsuporta ag pagpanao kara sa Boracay Land Transport and Multi-Purpose Cooperative( BLTMPC).
Mag-eowas Executive Order, nagpaguwa man it Memorandum si Mayor Cawaling sa Transportation Regulation Officer nga ipahisayod sa tanan nga operator kung hasta san-o eon lang nga pagapahinugutan it LGU-Malay nga magbiyahe ro andang mga tricycle sa isla.
Nakabutang man sa Executive Order rong mga nagbakae it E-trike ko 2017 hay hasta eon lang sa Mayo 31, 2018 pwede makabiyahe.
Samtang ro mga franchise holder man nga uwa pa makabakae kaibahan rong mga nagbuoe it E-trike makaron nga 2018 hay pagapahinugutan pa nga magbiyahe it tricycle hasta Agosto 31, 2018.
Rayang tikang ro nakita nga solusyon it LGU-Malay para mabawasan rong kagutok ko trapiko sa isla ag mabawasan man ro polusyon sa hangin.

Facebook Comments