Davao City – Patay ang usa ka 10 months old nga batang babae human nalambigit sa disgrasya ang inahan ug amahan samtang sakay sa side car motorcycle nahitabo bandang alas 8:40 sa gabii sa highway sa Brgy. Mintal ning syudad.
Sa pakighinabi sa DXDC RMN Davao kang Police Corporal Elmer Domincel sa Tugbok PNP, giingon niini nga samtang naglawig ang side car nga gidrayban ni Mr. Banlota, amahan sa biktimang si alyas Aya diha sa highway sa Mintal, mibangga matud pa sa likod ang usa ka single motorcycle nga gidrayban ni Christian Puasa Tawaay, 28 yrs. old, ug nagboard sa nasangpit nga lugar.
Tungod sa kakusog sa impact sa bangga, nabuhian sa inahan ang bata ug nalagpot kini diin nasuta nga grabeng apektado ang ulo sa bata resulta sa pagka dead on the spot.
Sa karon, balhug na sa Tugbok PNP si Tawaay nga nasayrang nakainom niadtong panahona gani mag atubang og kasong Reckless Imprudence Resulting to Multiple Physical Injury, Homicide and Damage to Property, ingon man violations sa Anti-Drunk and Drugged Driving Act of 2013.
RadyoMaN Renz Barbarona
