Isang wanted person na nahaharap sa kasong Qualified Theft ang naaresto sa isinagawang pinagsamang intelligence-led law enforcement operation ng iba’t ibang yunit ng Philippine National Police (PNP).
Pinangunahan ng Technical Support Company ng Regional Mobile Force Battalion 1 (RMFB1) ang operasyon sa ilalim ng pangangasiwa ni Police Colonel Fidel De Guzman Junio, Force Commander ng RMFB1.
Ayon sa PNP, ang naarestong suspek ay may nakabinbing warrant of arrest para sa kasong Qualified Theft na may inirekomendang piyansang ₱150,000.
Naging matagumpay ang operasyon sa pamamagitan ng mahigpit na koordinasyon ng RMFB1 sa Dagupan City Police Office (Police Station 1), Baguio City Police Office (Police Station 8), Criminal Investigation and Detection Management Unit (CIDMU), Criminal Investigation Unit (CIU), at Luna Maritime Law Enforcement Team.
Ayon sa PNP, ipinakikita ng matagumpay na pag-aresto ang matibay na koordinasyon ng mga yunit ng pulisya sa pagtugis sa mga wanted person at sa pagpapatupad ng batas.
Binigyang-diin din ng pulisya na bahagi ito ng pinaigting na kampanya laban sa kriminalidad upang mapanatili ang kaayusan, kapayapaan, at kaligtasan ng publiko. Anila, patuloy silang magsasagawa ng mga intelligence-driven operations upang mapanagot ang mga taong may kinahaharap na kaso sa batas. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
