Libacao, Aklan – Parehong patay ro daywa ka mga sakay it motorsiklo matapos nga mahueog raya kabii sa estaka sa Brgy. Poblacion, Libacao, Aklan.
Una nga ginbawian it kabuhi rong backrider nga si Dionel Zonio, 20-anyos,residente it Brgy. Guadalupe matapos nga makaangkon it fatal nga lastro sa ueo.
Nahadaea pa ra imaw sa Rural Health Center it Libacao ag Aklan Provincial Hospital pero gindeklara nga dead on arrival.
Samtang ro driver it motor nga si Leonardo Invina, 18-anyos, residente it Brgy. Julita hay gindaea man sa sangka pribadong hospital pero ginbawian man it hueam nga kabuhi matapos nga makaangkon man it fatal nga lastro sa li-og.
Nasayuran nga naka inum rong mga biktima tag matabo rong aksidente ay ginasugid birthday ni Invina ag nag inum-inum sanda sa may Mangayaw Falls ag pagkatapos nag adto sa Poblacion para kunta mamasyar ay may kasadyahan ugaling pag-abot sa may estaka uwa mapan-uhi ni Invina nga may una nga rampa ag nahueog sanda nga tumama sa konkretong pader.
