Davao City- Arestado sa San Pedro Police Station ang ‘akyat-bahay’ suspek alas 2 sa hapon kagahapong adlawa, Nobyembre 16 diin mao sumala pa ang nikawat sa cellphone ug laptop sa Indian Nationals alas 9 kagahapon sa buntag sa Friendship St., Doña Vicenta Village ning dakbayan.
Wala nakaikyas sa kapulisan ang notoryus nga kawatan nga giilang si Norven Ilagan alias Hapon, 19 anyos ug residente sa San Rafael, DOMSAT, Brgy. 9-A ning syudad diin na-trace ang suspek pinaagi sa GPS sa dihang iya na untang ipangbaligya ang nakawat niya nga mga butang.
Narekober sa iyang possession ang iyang gikawat sa Indian Nationals nga OPPO F3 plus ug DEL laptop nga mukantidad og 68,000 pesos.
Gihimo sa San Pedro PNP ang joint follow-up operation ilawum sa supervision ni PCI Ramil Macarampat kauban ang Brgy. Captain sa nasangpit nga Brgy. nga si Kapitan Tata Llubit.
RadyoMaN Renz Barbarona
