Davao City – Nagpahigayon og validation ug cyber investigation ang Davao City Police Office (DCPO) human adunay nag-circulate nga online threat nga nagtumong sa usa ka pampublikong high school sa Davao City. Gisubay na sa mga awtoridad ang gigikanan sa maong post aron mailhan ang responsable.
Girespondehan usab sa Explosive Ordnance Disposal (EOD) team ang eskwelahan ug gihimo ang hingpit nga clearing operation sa sulod ug palibot sa campus.
Human sa inspeksyon, walay nakitang improvised explosive device (IED), eksplosibo, o bisan unsang delikadong butang. Busa, gideklarar sa EOD nga luwas ug secure na ang lugar.
Tungod niini, normal nga mopadayon ang klase sa eskwelahan sugod karong Lunes, Hulyo 20, 2026. Gipahimangnoan usab sa DCPO ang publiko nga likayan ang pagpakatag og sayop nga impormasyon ug i-report dayon ang susamang online threats sa kapulisan.
RadyoMaN Kareen Beltran
Facebook Comments
