Binigyang diin ni House Prosecutor Bicol Saro Party-list Rep. Terry Ridon na walang kamay si Pangulong Ferdinand Marcos Jr. sa impeachment trial ni Vice President Sara Duterte.
Paliwanag ni Ridon, misterial duty lang ang pag-apruba ni PBBM na mai-release sa Senate Impeachment Court ang Tax records ni VP Duteret at mister na si Atty. Manases Carpio.
Sabi ni Ridon, hindi lamang kay VP Sara kundi sa kahit kaninong impeachable official ay gagawin ng pangulo ang nasabing hakbang.
Giit ni Ridon, tama ang pagpapahintulot ni Pangulong Marcos na i-release ng Bureau of Internal Revenue ang nabanggit na mga dokumento dahil makakatulong ito sa pagsusulong ng pananagutan at hustisya.
Ang bank at tax records ni VP Duterte at kanyang mister ay sinubpoena ng Senate Impeachment Court alinsunod sa request ng prosekusyon para sa ikalawang article of impeachment na kinapapalooban ng alegasyon na may hindi maipaliwanag na yaman si VP sara na hindi nito idineklara sa kanyang Statement of Assets, Lialbilities and Networth o SALN.
