Partnership sa LGU Davao ug Japanese Government gipakusgan pa

26
Davao City – Malaumon si incoming Davao City Mayor Sebastian “Baste” Duterte nga mas mapakusgan pa ang relasyon tali sa City Government of Davao ug Japanese Government.

Niadtong Miyerkules (June 8, 2022), nag-courtesy call kang acting Mayor Baste Duterte si Minister Nakata Masahiro, Minister for Economic Affairs of the Embassy of Japan.

Matud ni Baste Duterte, dako og kahimuan ang Japanese government sa kalamboan sa dakbayan partikular na sa proyekto sa inprastraktura pinaagi sa technical assistance sa Japan International Cooperation Agency (JICA).

Nanghinaut usab ang umaabot nga alkalde nga daghan pang collaboration, business opportunities, ug exchange of best practices ang Local Government of Davao ug Japanese Government sa umaabot.

Atol sa meeting, anaa usab ang presenya ni Davao City Councilor Javi Garcia Campos, Davao City Investment and Promotion Center (DCIPC) chief April Marie Dayap, Senior Consul Mr. Masamichi Abe of the Consulate General of Japan, ug Mr. Tachikawa Jumpei, First Secretary of the Embassy of Japan in the Philippines.

RadyoMaN Kirby Manzon

Facebook Comments