PhilHealth, nangakong babayaran ang higit P25 billion claims ng mga pribadong ospital sa loob ng anim na buwan

Nangako ang Philippine Health Insurance Corporation (PhilHealth) na babayaran nila sa loob nang anim na buwan ang higit ₱25 billion halaga ng claims ng mga pribadong ospital.

Ayon kay PhilHealth President Dante Gierran, kasalukuyan nang pino-proseso ang ₱25.45 billion na bayad sa mga ospital sa ilalim ng Debit-Credit Payment Method.

Kasunod nito, nakikipag-ugnayan na rin ang PhilHealth sa mga partner hospitals para sa reimbursements ng mga claim at para malaman kung may iba pang mga isyu.


Sa ngayon, umabot na sa ₱12.06 billion ang pondo na nailabas ng PhilHealth sa mga ospital sa ilalim ng Debit-Credit Payment Method.

Facebook Comments