CAUAYAN CITY – ARESTADO ANG ISANG TULAK NG ILEGAL NA DROGA SA ISINAGAWANG BUY-BUST OPERATION NG PINAGSANIB NA PUWERSA NG PHILIPPINE DRUG ENFORCEMENT AGENCY (PDEA) REGION 2 CAGAYAN PROVINCIAL OFFICE AT NG KAPULISAN SA BARANGAY CENTRO 5, TUGUEGARAO CITY.
KINILALA ANG SUSPEK SA ALYAS NA “NICOLE”, AT RESIDENTE NG ZONE 6, NATIONAL ROAD, CAGGAY, TUGUEGARAO CITY.
NASAMSAM MULA SA SUSPEK ANG 10.5 GRAMS NG HINIHINALANG SHABU NA MAY HALAGANG ₱74,800, KASAMA ANG BUY-BUST MONEY AT ISANG CELLPHONE NA GINAMIT SA TRANSAKSIYON.
MATAPOS ANG ISINAGAWANG IMBENTARYO, DINALA ANG SUSPEK SA ISTASYON NG PULIS PARA SA KARAGDAGANG IMBESTIGASYON.
NAHAHARAP NGAYON ANG SUSPEK SA KASONG PAGLABAG SA SECTIONS 5 AT 11, ARTICLE II NG REPUBLIC ACT 9165 O ANG COMPREHENSIVE DANGEROUS DRUGS ACT OF 2002.
