Patuloy ang rescue operations ng Pangasinan Police Provincial Office (Pang PPO) para maabot at matulungan ang mga residenteng apektado ng malakas na ulan at pagbaha sa lalawigan.
Naka-deploy ang mga tauhan ng Pangasinan PPO sa mga lugar na nangangailangan ng agarang tulong, partikular sa mga komunidad na kailangang lumikas at mga residenteng na-stranded dahil sa baha.
Kabilang sa kanilang ginagawa ang paglikas sa mga residente, pag-assist sa mga stranded na mamamayan, at iba pang emergency interventions para sa mga apektado ng sakuna.
Patuloy namang mino-monitor ng mga pulis ang mga lugar na posibleng mangailangan ng karagdagang rescue at police assistance habang nagpapatuloy ang masamang panahon. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
Facebook Comments
