Binuksan muli ng Philippine National Railways (PNR) ang serbisyo ng tren sa biyaheng San Pablo-Lucena.
Ito ay makaraang maisaayos na ang tulay ng Tabag sa Barangay Bucal, Sariaya, Quezon.
Alas-6:15 ng umaga ay umalis ang biyahe ng tren mula San Pablo na tumatawid sa 45-kilometrong riles patungong Lucena.
Ang biyahe naman mula Lucena patungong San Pablo ay alas-5:50 ng hapon mamaya.
Ang pamasahe sa rutang San Pablo – Lucena at Lucena – San Pablo ay nagkakahalaga ng ₱50.00.
Samantala, ang biyahe naman mula San Pablo patungong Calamba, na may ₱55.00 na pamasahe, ay umaalis ng alas-6:25 ng umaga at ang mula Calamba papuntang San Pablo alas-6:30 ng gabi.
Facebook Comments
