‘Poverty Worldwide Walk’ ipahigayon

28

Davao City – Gi-awhag karon ang mga Dabawenyo nga makighiusa sa ipahigayong Poverty Worldwide Walk karong Dominggo, Mayo 6, sugod alas 4:00 sa kabuntagon hangtod alas 12:00 sa udto.

Sa gipahigayong iSpeak media forum karong adlawa, gibutyag ni Bro. Darius Relatado sa Inglesia ni Cristo, nga gawas sa pagkab-ot nila sa makausab sa Guinness World Record tumong niini nga matabangan sa katawhan sa nasud Africa.

Saysay niini, partisiparan kini sa pipila ka mga nasud sa tanang kontinente sa Europa ug pipila usab ka mga Asian countries.

Magsugod ang 1.6 kilometer walk sa dalang Claveria ning syudad hangtod sa atubangan sa Victoria Plaza diin gilauman nga tambongan sa 30,000 ka mga tawo.

Kahinumdoman nga natala kaniadtong Pebrero 13, 2014 ang ilang record isip pinakadaghang misalmot sa pagbaktas diin gisalmutan sa 519, 221 ka mga partisipante sa 129 ka mga lugar sa tibuok kalibutan.

Sa pikas bahin, andam na usab ang City Transport and Traffic management Office (CTTMO) sa pagahimoong aktibidad diin adunay 176 ka mga traffic enforcers ang ilang gideploy.

Dugang ni CTTMO head Dioniso Abude, andam na usab sila nga i-tow ang mga iligal nga magparking diha sa dalang Magsaysay paingon sa Bajada atol sa ipahigayong Poverty Worldwide Walk.

RadyoMaN Jason Amisola

Facebook Comments