Tiniyak ng Department of Health (DOH) na sapat ang suplay ng bakuna kontra COVID-19 hanggang sa pagpalit ng panibagong administrasyon at hanggang sa katapusan ng taon.
Ito ang inihayag ni Health Secretary Francisco Duque III kung saan mayroong 244 milyong doses ng COVID-19 vaccines na nasa imbentaryo ng pamahalaan.
Mababatid na nasa 155 milyon pa lamang ang naituturok na bakuna sa bansa dahilan para umabot sa 70 milyong Pilipino o 90% pa lamang ng target ng pamahalaan na 77 million ang nabakunahan.
Nananatili kasing mababa ang bilang ng nagpapabakuna ng kanilang booster shot na nasa 20% pa lamang ng 56 milyong eligible population ng bansa ang kumukuha nito.
Facebook Comments
