Scammer gamit ang pangalan ni VM Baste kasuhan og Large Scale Estafa

151

Davao City- Gikatakdang iduso sa Lunes sa Criminal Investigation and Detection Group-Davao City Field Unit (CIDG-DCFU) ang kasong Large Scale Estafa batok sa nang-scam gamit ang pangalan ni Davao City Vice Mayor Sebastian Duterte.

Sa interbyu sa RMN kang PLt. Col. Milgrace Driz, chief sa CIDG DCFU 11, anaa sa pito ka mga complainants ang nidangop sa ilahang buhatan human masayran nga nadakpan ang suspek nga si Rene Paolo de Jesus.

Gisaysay sa mga biktima nga giagni sila sa suspetsado sa pag-finance og mga sinakong bugas gamit ang pangalan sa bise mayor.


Apan human makadagit og mga kwarta gikan sa mga biktima ang suspek dili na ma-contact pa.

Kasamtangang, naka-bail ang suspek sa kasong RA 9262 nga giatubang niini.

Kahinumduman nga nadakpan kini pinaagi sa gisilbing warrant of arrest sa CIDG DCFU 11.



RadyoMaN Aimee Guinita

Facebook Comments