Security/safety cluster gi-intensify vs. health protocol violators

Davao City – Gisiguro karon sa Davao City COVID-19 Task Force (TF) nga matutukan sa Security and Safety Cluster ang mga violator sa Minimum Public Health Standards (MPHS) nga ginapatuman batok Coronavirus Disease 2019 (COVID-19).

Gikanayon ni Dr. Michelle Schlosser, Spokesperson sa Davao City COVID-19 TF (sa interbyu sa city-owned radio) nga bisan og ubay-ubay na ka restrictions ang giwagtang sa syudad, kinahanglang mapakusgan ang monitoring sa mga violator sa health protocols aron kalikayan ang paspas nga pagsutoy sa COVID-19 cases.

“Even if lifted na ‘ning liquor ban, lifted na ang EO 69, magpadayon gihapon ang pag-follow og minimum public health standards, and through that, i-intensify na siya sa atong Security and Safety Cluster,” segun ni Schlosser.

Gisulti ni Schlosser nga kini usab ang rason sa pag-deputize sa ubang miyembro sa response cluster aron matabangan ang security cluster pagsigurong masunod ang MPHS labi na nga daghan na ang gitugotang aktidad ilawom sa COVID-19 Alert Level 2, asa gipailawom ang syudad sa Davao sugod kagahapong adlawa, Pebrero 16 hangtud Pebrero 28, 2022.

RadyoMaN Kirby Manzon

Facebook Comments