Seguridad alang sa mga aktibidad sa syudad sunod tuig giplastar

36

Davao City – Karon pa lang giplastada na sa Davao City Police Office ang mamahimong dagan sa siguridad sa dakbayan sa dabaw alang sa dagkong kalihukan sa paugnat sa kusog nga mahitabo sa sunod tuig.

Nasayran nga ang syudad sa Dabaw maoy mag-host sa National ug International sa dagko nga sports events sa sunod tuig sama na lamang sa Davao Region Athletic Association Meet, Ironman, Palarong Pambansa ug National Private Schools Athletic Association Meet.

Ang paghitsas daan sa hisgutanang seguridad dinhi sa siyudad nunot sa naka ung-ong nga dagkong aktibidad sa natad sa paugnat sa kusog gumikan kini sa sunod-sunod nga pagpamomba sa lungsod sa Isulan, Sultan Kudarat kung asa lima ang patay ug kapin 40 ang samdan sa miaging mga adlaw.

Gipaniguro ni Dcpo Director Police Senior Superintendent Alexander Tagum nga luwas ang tanang mga delegado ug mga partisipante sa nasangpit nga mga aktibidad sa sunod tuig.

Hinoon dili mabasol sab mabasol ni Tagum ang uban kansang mibati og kabalaka ug kahadlok sa sitwasyon sa seguridad niining ulahing mga adlaw gumikan sa nahitabo didto sa Isulan Sultan Kudarat.

Pikas bahin, miapelar si DCPO Spokesperson Police Chief Inspector Maria Teresita Gaspan sa publiko nga aduna ma’y madawat nga mensahe sa pagpanghulga sa pagpamomba apan wala ma-validate dili dayon tuohan aron dili magmugna og kabalaka sa uban.

RadyoMaN Joel Viray

Facebook Comments