Pinaghahanda ni Senate Blue Ribbon Committee Chairman Erwin Tulfo si Senate Minority Leader Alan Peter Cayetano sa posibleng pagbusisi ng komite sa flood control projects sa Taguig City.
Ayon kay Tulfo, ipatatawag ng Blue Ribbon Committee (BRC) ang kapatid ni Sen. Alan, na si PTV General Manager Lino Cayetano, upang tumestigo tungkol sa nalalaman umano nito sa ₱6 bilyong flood control projects sa nasabing lungsod mula 2022 hanggang 2025.
Sinabi ni Tulfo na maghanda si Sen. Alan dahil kapatid niya mismo ang hinihinalang may nalalaman sa usapin at maaaring marami itong maibunyag sa imbestigasyon.
Pinayuhan ni Sen. Erwin si Sen. Alan na magpokus sa mga reklamong kinahaharap nito dahil, bukod sa flood control projects, mayroon ding imbestigasyon ang National Bureau of Investigation (NBI) kaugnay ng umano’y ₱50 milyong overbudget sa 2019 Southeast Asian (SEA) Games.
Bukod kay GM Lino, ipatatawag din sa pagbubukas ng pagdinig sa flood control scam sa pagbabalik ng sesyon ang 18 dating bodyguard ni dating Cong. Zaldy Co.
