Naisumite na ng Judicial and Bar Council (JBC) kay Pangulong Ferdinand R. Marcos Jr., ang short list ng mga nominee para sa susunod na chief justice at Supreme Court associate justice.
Kabilang sa short list na ipinasa kay PBBM para pagpilian na susunod na Punong Mahistrado sina Senior Associate Justice Marvic Leonen at apat na Associate Justices.
Ito ay sina Justice Alfredo Benjamin Caguioa, Rodil Zalameda, Japar Dimaampao, at Jose Midas Marquez.
Habang umatras naman ang dalawa sa limang senior SC Justices na sina Justice Ramon Paul Hernando at Henri Jean Paul Inting.
Ilan naman sa nasa short list para sa SC Associate Justice sina Court of Appeals Presiding Justice Fernanda Lampas Peralta, Associate Justice Ramon Bato Jr., Solicitor General Darlene Berberabe, Commission on Audit Chairperson Gamaliel Cordoba, at Comelec Commissioner Ernesto Maceda.
Papalitan ng pipiliin ng Pangulo sina Chief Justice Alexander Gesmundo at Associate Justice Amy Lazaro-Javier na kapwa magreretiro ngayong Nobyembre.
