Umarangkada na ang special session ng House of Representatives na nagsimula alas nuwebe ngayong umaga alinsunod sa Proclamation Order No. 1318 ni Pangulong Ferdinand Bongbong Marcos Jr.
Ang pagbubukas ng special session ay pinangunahan ni House Speaker Faustino Bodjie Dy III.
213 ang present na mga kongresista at una nilang pinagtibay ang House Resolution 1124 na nagpapabatid sa Senado na nag-convene na ang special session ng Kamara.
Inihalal din ngayon ang mga kongresista na bagong miyembro ng makapangyarihang Commission on Appointments o CA.
Kinabibilangan ito ni:
• House Deputy Speaker Paolo Ortega V – kapalit ni Camiguin Rep. Jesus Romualdo
• TGP PL Rep. Jose Teves Jr. – kapalit ni ABONO PL Rep. Robert Raymond Estrella
• Quezon City Rep. Franz Pumaren – kapalit ni Agusan del Sur Rep. Eddie Bong Plaza
• Quezon Rep. Mark Enveraga – kapalit ni Cavite Rep. Roy Loyola
• Negros Occidental Rep. Mercedez Alvarez – kapalit ni CamSur Rep. Arnie Fuentebella
