Student vaccination kinahanglan og parental consent

37
Davao City – Giklaro sa Davao City Coronavirus Disease 2019 (COVID-19) Task Force (TF) nga nanginahanglan og pagtugot sa ginikanan una bakunahan ang ilang mga anak diha sa school-based immunization batok COVID-19.

Sumala ni Dr. Michelle Schlosser, tigpamaba Davao City COVID-19 TF (sa interbyu sa city-owned radio), pagsupak sa balaod ang pagpugos sa bakuna, rason nga kinahanglang magbaton og parent’s consent una bakunahan ang mga estudyante ilabina kadtong mga menor de edad, diin kini kabahin sa ilang protocol.

“Even with our routine vaccine, kadtong mga previous nato na school-based vaccination, we do not vaccinate individual or children for that matter without the consent of their parents or guardian,” tataw ni Schlosser.

Bisan pa man, padayong gipanawagan ni Schlosser ang mga ginikanan nga pabakunahan ang ilang mga anak ilabina karon nga nibalik na ang face-to-face classes.

Gipasabot sa health official, ang importansya ug benepisyo sa bakuna tungod kay dugang proteksyon sa makatakod nga COVID-19.

RadyoMaN Kirby Manzon

Facebook Comments