Tatlong Most Wanted Persons sa Region 1 ang naaresto sa isinagawang magkakahiwalay at koordinadong manhunt operations ng Police Regional Office 1 (PRO 1) sa La Union at Pangasinan noong Mayo 5,2026.
Sa Lungsod ng San Fernando, La Union, naaresto ng awtoridad ang isang 36 anyos na construction worker na nahaharap sa dalawang bilang ng kasong qualified rape of a minor.
Ayon sa pulisya, ang suspek ay itinuturing bilang Top Most Wanted Person sa lalawigan ng La Union.
Samantala, sa bayan ng San Manuel, Pangasinan, arestado rin ang first at second most wanted persons ng bayan na may edad 64 at 59 na kapwa nahaharap sa kasong murder.
Kasalukuyang nasa kustodiya na ng kani-kanilang himpilan ng pulisya ang mga naarestong indibidwal para sa tamang dokumentasyon at disposisyon.
Ayon naman sa PRO1, bahagi ito ng pinaigting na kampanya laban sa kriminalidad upang matiyak na walang sinumang lumalabag sa batas ang makakatakas sa pananagutan. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
