Ayon sa DOE, ₱0.40 kada kilo ang ibabawas sa presyo ng LPG, katumbas ng ₱4.40 bawas sa isang 11-kilogram na tangke.
Iniuugnay ang rollback sa pagbaba ng freight cost o gastos sa transportasyon ng produkto, na siyang nagpababa sa presyo ng cooking fuel sa kabila ng pagtaas ng international LPG Contract Price.
Isa sa mga pangunahing konsyumer ng LPG ang mga may-ari ng karinderya.
Gayunman, ayon sa ilan may-ari, wala pa umano silang napapansing pagbabago sa presyo ng LPG mula sa kanilang pinagkukunan.
Samantala, sinabi ng isang pribadong kumpanya ng LPG na nagpatupad sila ng price freeze bilang tugon sa kakapusan ng mga konsyumer bunsod ng tuloy-tuloy na pag-ulan at pagbaha dulot ng Habagat.
Dagdag ng DOE, nasa ₱1,031 hanggang ₱1,536 ang retail price ng LPG ngayong Setyembre, depende sa uri ng produkto, lokasyon, at kasalukuyang kondisyon ng merkado. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
