Bulkang Mayon, walang naitalang pagyanig sa nakalipas na 24 oras

Nanatiling tahimik ang Bulkang Mayon sa Legaspi, Albay sa kabila ng pagkakataas sa Alert Level 2 status nito.

Bagama’t nakataas na sa Alert Level 2 ang status ng bulkan ay hindi gaano ito nagparamdam.

Ayon sa Philippine Institute of Volcanology and Seismology (PHIVOLCS), sa nakalipas na 24 oras walang naitalang pagyanig o volcanic earthquake.


Batay sa monitoring ng PHIVOLCS, nakapagtala lang ito ng katamtamang pagsingaw na napadpad sa Timog-Kanluran ng bulkan.

Gayunman, mahigpit pa ring ipinagbabawal ang pagpasok sa 6 kilometer radius permanent danger zone.

Ito’y dahil sa posibilidad ng biglaang pagputok o phreatic explosions o rockfall mula sa tuktok ng bulkan.



Facebook Comments