Ilang sangay ng SSS sa Metro Manila, bukas ngayong araw

133

Pinalawig ngayong araw ng pamunuan ng Social Security System ang kanilang operasyon sa ilang sangay sa Metro Manila.

Base sa inilabas na abiso ng SSS, layon nitong ma-accommodate ang lahat ng kanilang mga miyembro na mag-aasikaso ng benepisyo.

Ito ay matapos dagsain ang ilang nilang branch nitong mga nakalipas na araw, kasunod na rin ng pagbaba sa Alert Level 1 ng Metro Manila.


Kabilang sa mga binuksan ngayong araw ang ilang tanggapan ng SSS ay ang mga sumusunod:

Sa mga branch sa Quezon City:
 Diliman
 Cubao
 San Francisco Del Monte
 Batasan, Hills

Sa mga branch sa Maynila:
 Binondo
 Manila



Bukas rin ngayong araw ang branch ng SSS sa J.P Rizal, Makati City; Pasig City – Pioneer; New Panaderos, Mandaluyong City; Parañaque City; SM Aura sa Taguig City; Las Piñas City; at Alabang-Muntinlupa City.

Nagbukas ng ilang mga nabanggit na tanggapan ng SSS kaninang alas-otso ng umaga na tatagal hanggang mamayang alas-singko ng hapon.


Kasabay nito, hinikayat ng SSS ang mga miyembro nito na gamitin ang mga online platform o facility upang hindi na pumila sa kanilang tanggapan kabilang na rito ang my.sss portal at SSS mobile app.

Matatandaan kahapon, na-inextend ng SSS ang oras ng kanilang operasyon ng hanggang alas-siyete ng gabi para ma-accommodate ang lahat ng kanilang mga miyembro na mag-aasikaso ng benepisyo.

Facebook Comments