Nagsimula nang sumalang sa interviews ang ilang mga aplikante para maging susunod na Chief Justice ng Korte Suprema.
Unang sumalang sa harap ng Judicial and Bar Council si Senior Associate Justice Marvic Leonen kaninang umaga.
Bukod kay Leonen, sumalang din kaninang hapon sa interview ng JBC si Associate Justice Alfredo Benjamin Cagiuoa.
Present naman sa interview ang mga miyembro ng JBC sa pangunguna ni Chief Justice Alexander Gesmundo, Justice Secretary Eric Vida, at ex officio members na sina Senator Kiko Pangilinan at Rep. Gerville Luistro.
Kasama rin dito sina Retired SC Associate Justice Jose Catral Mendoza na kumakatawan para sa retired SC Justices, Atty. Nesaure Firme mula sa academe, Retired Court of Tax Appeals Associate Justice Erlinda Piñera Uy para sa Integrated Bar of the Philippines (IBP) at Atty. Jose V. Mejia para sa private sector.
Itutuloy naman sa Lunes ang interviews ng JBC para sa kapalit ni CJ Gesmundo na magreretiro ngayong Nobyembre.
