Kinumpirma ni Department of the Interior and Local Government (DILG) Secretary Jonvic Remulla na nagpalabas na ng Red Notice ang International Police authorities laban kina dating Bureau of Corrections (BUCOR) Chief Gerald Bantag at dating police officer Rafael Dumlao III.
Noong April 2023, nag-utos ang Muntinlupa Regional Trial Court na hulihin si Bantag may kinalaman sa pagkamatay ni Jun Villamor na umano’y middleman sa pamamaslang sa broadcaster na si Percy Lapid noong October 2022.
Itinanggi ni Bantag ang alegasyon sa kanya hinggil dito. May P2 milyong patong sa ulo si Bantag para sa ikadarakip nito.
Si Bantag ay sinasabing naninirahan sa Cordillera Administrative Region (CAR).
Noong July 2024, binaliktad ng Court of Appeals (CA) ang acquittal ni Dumlao may kinalaman sa 2016 kidnapping at pagpatay sa South Korean businessman Jee Ick Joo at sa halip ay nasentendiyahan ito ng habambuhay na pagkabilanggo batay sa ulat ng Korte Suprema. May P1 milyong patong sa ulo si Dumlap para sa ikadarakip nito.
