DPWH-XI: Ilawom sa Bolton bridge dili angay puy-an

285
Davao City – Gibutyag sa Department of Public Works and Highways (DPWH) nga dili mamahimong puy-an ang ilawom sa Bolton Bridge 1 ug 2 sa Quimpo Boulevard, Davao City kung asa nahitabo ang sunog niadtong Sabado (Enero 15, 2022).

Sa interbyu sa DXDC RMN Davao kang Dean Ortiz, tigpamaba sa DPWH-XI, gisulti niini nga delikado alang sa mga residente ang pagpuyo ilawom sa tulay ug bisan ang mga nanimuyo daplin sa kasapaan sa dakbayan.

“In the first place, dili dapat papuy-an ang ilalom sa tulay. Wala gyoy dapat mag-occupy sa ilalom sa tulay kay number one, delikado sa ilang kinabuhi. Ikaduha, kung adunay mahitabo nga mga sunog or man-made nga disaster, susceptible gyud ang structure,” matud ni Ortiz.

Sa kasamtangan, temporaryong gisirad-an ang Bolton Bridge 1 (Southbound) nga labing naapektuhan sa sunog. Samtang, sirado usab ang Bolton Bridge 2 (Northbound) apan ginasuta pa kung pwede pa nga maagian sa motorista o nanginahanglan nga i-repair.

Giabisohan sa DPWH ang mga motorista nga mugamit una og alternatibong ruta o dalan samtang gisirado pa ang maong tulay.

RadyoMaN Kirby Manzon

Facebook Comments