Ayon kay DSWD FO1 Assistant Regional Director for Operations Anniely J. Ferrer, maaaring agad i-report sa kanilang tanggapan kung may kulang o sirang food item sa natanggap na relief pack upang maaksiyunan at mapalitan ito.
Hiniling din ng DSWD na agad munang ipagbigay-alam sa kanilang tanggapan ang anumang problema sa natanggap na food packs upang maberipika at mabigyan ng agarang solusyon.
Ayon sa ahensya, hindi nito ipinagbabawal ang paglalabas ng hinaing sa social media, ngunit mas mabilis umanong maaaksiyunan ang problema kung direktang maipararating sa kanilang tanggapan ang reklamo.
Samantala, nagpapatuloy ang pamamahagi ng Family Food Packs sa mga residenteng naapektuhan ng kalamidad sa apat na lalawigan ng Ilocos Region.
Hinihikayat ang mga benepisyaryong makipag-ugnayan sa DSWD o sa kanilang lokal na pamahalaan sakaling may problema sa natanggap na relief goods upang agad itong ma-validate at maaksyunan. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
