Davao City – Midangop sa Sasa PNP ang usa ka agalon human nagwild ang magsuong katabang nga wala tugti muhawa sa trabaho sa balay alas 11:00 sayo sa ka-udtohon.
Ang amo nga nagpatabang sa kapulisan mao si Jema Rosalem, hamtong ang pangidaron ug nanimuyo sa Fairlanes Subdivision, Barangay Aliongto ning siyudad.
Mireklamo ang agalon human nagwild ang iyang katabang nga si Manilyn Awe, taga Arakan North Cotabato.
Naghanyo lang daw si Rosalem sa suspek nga dili una muhawa samtang wala pay makita ikapuli nga helper apan nasuko ang katabang dayon nagwild.
Apil nagwild ug nagbuhi og dili maayo nga pulong ang igsuon nga si Danica Ambaca.
Gitambagan sa Sasa PNP ang biktima nga isang-at ang reklamo sa barangay aron didto husayon ang wala nila pagsinabtanay.
RadyoMaN Joel Viray
