Gapay: Mindanao terror threats gitutukan

139

Davao City- Positibo nga na-neutralisa sa armadong kusog ang tanang mga hulga sa terorismo dinhi sa habagatan pinaagi sa intensified security measures ubos sa Mindanao Martial Law setup.

Sa pakighinabi sa programang RMN Straight to the Point uban ni Kasamang June Duterte, gipaambit ni Brig.Gen. Gilbert Gapay, Deputy Commander sa Eastern Mindanao Command (EASTMINCOM) ug Mindanao MartiaL Law spokesperson ang resulta sa ilang operasyon sa seguridad.

Matud ni Gapay, adunay 16 ka mga suspected terrorists uban ang ilang mga supporters ug symphatizers nadakpan diha sa nagkadaiyang mga checkpoints human nadiskubrehan pinaagi sa mga intelligence sources nga adunay mga personalidad kinsa nisulay pag-ikyas sa kamot sa mga awtoridad diin ilang gihimong transit point kun ambakanan ang Davao City ingon man ang rehiyon.


Adunay 18,380 mobile and fixed checkpoints gimuntar ang gobyerno inubanan sa 9,742 security patrols.

Sa Siege of Marawi, giingon sa opisyal nga mas gitutukan nila karon ang pagpabalik sa normalidad sa war zone pinaagi sa pagneutralisa sa nahibiling mga Maute operatives sa su-ok nga bahin, ang padayong pagsalbar sa mga inosenteng sibilyan ingon man ang paghikutar kanila diha sa mga evacuation centers.

Ni-total na sa 303 Mautes ang neutralisado, 44 ka mga sibilyan nadamay sa gubat, 382 armas na-recover samtang 1,713 na ka mga indibidwal na-rescue gikan sa panggubatan.
Gisugilon usab ni Gapay nga hugot nilang gibabagan ang ideya nga ‘prisoner swap’ diin matud pa buhian sa mga terorista si hostaged Catholic priest Fr. Teresito ‘Chito’ Suganob bugti sa pagpagawas sa mga arestadong ginikanan sa Maute brothers, sila Cayamora ug Farhana Maute kinsa unang naposasan sa gihimong mga police-military security dragnet operations.



Facebook Comments