Ibinahagi ni House Committee on Justice Chairperson at Batangas Rep. Gerville Luistro ang mga abogadong kongresista na nais niyang maging bahagi ng bubuuing House prosecution team sakaling umakyat na sa Senado ang Articles of Impeachment laban kay Vice President Sara Duterte.
Kabilang sa tinukoy ni Luistro sina:
Manila 3rd District Rep. Joel Chua
Iloilo 3rd District Rep. Lorenz Defensor
Mamamayang Party-list Rep. Leila de Lima
Akbayan Party-list Rep. Chel Diokno
1-Rider Party-list Rep. Rodge Gutierrez
Bicol Saro Party-List Rep. Terry Ridon
San Juan Rep. Bel Zamora
Ayon kay Luistro, kahit siya ay chairman ng Justice panel ay hindi awtomatikong magiging miyembro siya ng House prosecution team dahil ito ay ihahalal sa plenaryo ng Kamara.
Sa nakaraang 19th Congress ay 11 ang miyembro ng House prosecution team at karamihan sa mga binanggit na pangalan ni Luistro ay kabilang dito.
