Mga bangus at bigas ang ipinamahagi ng Lokal na pamahalaan ng Calasiao sa mga pamilyang naapektuhan ng pagtaas ng tubig-baha sa ilang barangay nitong mga nagdaang araw.
Masigasig na inikot at ipinamahagi sa isinagawang relief operation ang tone-toneladang bangus at bigas bilang pansamantalang tugon sa kanilang pangangailangan.
Maraming residente ang pumila para lang makatanggap ng tulong sa kabila ng pagbaha sa kani-kanilang mga lugar. Ilang araw na ring nararanasan sa maraming barangay sa bayan ng Calasiao ang tubig-baha maging sa mga pangunahing kalsada.
Sa gitna ng kalamidad, naging paalala rin ang relief operation na hindi nag-iisa ang mga Calasiaeño, dahil patuloy ang pagtutulungan ng iba’t ibang sektor para matulungan ang mga ilang residenteng nangangailangan ng pagkain. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
