Itinuturing ng National Bureau of Investigation (NBI) na person of interest si CJ Hirro, dating beauty queen at host ng Peanut Gallery Media Network (PGMN).
May kinalaman ito sa sinasabing P350 milyon na tangkang pangingikil ng grupo ni PGMN founder at CEO Franco Mabanta kay dating House Speaker Martin Romualdez.
Sinabi ni NBI Director Atty. Melvin Matibag na ipatatawag nila si Hirro dahil kabilang siya sa complaint affidavit ni Noah Nocon, longtime aide ni Romualdez.
Nilinaw naman ni Matibag na hindi kasama si Hirro sa mga inaresto dahil hindi naman siya kasama sa aktwal na tumanggap ng mga marked money.
Pero base sa reklamo aniya na inihain ng complainant, nabanggit doon ang pangalan ni Hirro.
Marahil aniya ay ginamit sa pag-extort o pangingikil ang video kung saan nandoon si CJ Hirro.
